Тошкентда буюк қозоқ шоири Абай Қўнонбоев таваллудининг 173 йиллиги муносабати билан адабий-бадиий тадбир бўлиб ўтди. Бу ҳақда Вазирлар Маҳкамаси ҳузуридаги миллатлараро муносабатлар ва хорижий мамлакатлар билан дўстлик алоқалари қўмитаси маълум қилди.
Тадбирда шоирнинг шеърлари янгради, қўшиқлар ижро этилди. Абай ҳайкали пойига гуллар қўйилди.
— Абай ижодини тарғиб этишга бераётган улкан эътибори учун Ўзбекистон раҳбариятига миннатдорлик билдирамиз, — деди Шарқий Қозоғистон вилояти ҳокими ўринбосари Асал Узимова. — Мамлакатимизда ҳар йили Абайхонлик ўтказилади. 28 тилда, жумладан, ўзбек тилида ҳам асарлари тақдим этилган «Бизнинг Абай» электрон кутубхонаси ташкил этилган. Ўзбекистонга туҳфа тариқасида Абай, Мухтор Авезов ва Андрей Фалшинбаев тўпламларининг илк нашрларини олиб келдик.
Шундан сўнг Қозоғистоннинг Тошкентдаги элчихонасида Шарқий Қозоғистон вилояти Маданият, архивлар ва ҳужжатлаштириш бошқармаси томонидан «Дунё тан олган Абай» кўргазмаси ташкил этилди.
Изоҳ (0)