АҚШдаги Strand Magazine журнали Эрнест Ҳемингуэйнинг авваллари фақатгина ёзувчи ижоди тадқиқотчиларига маълум бўлган ҳикоясининг илк нашри ҳақида эълон қилди. Бу ҳақда Meduza хабар берди.
Ҳикоя A Room on the Garden Side («Боғ томондаги хона») номланиб, 1956 йилда ёзилган. Ундаги воқеалар Иккинчи Жаҳон уруши вақтида Парижда кечади.
«Боғ томондаги хона» ҳикояси Ҳемингуэй томонидан 1956 йил августида ёзиб тугатилган бешта ҳикоядан биридир. Аввалроқ мазкур бешта ҳикоядан фақат биттаси — Тhе Cross Roads («Чорраҳа») чоп этилганди.
Изоҳ (0)