Ўзбекистон ёшлар иттифоқи ташаббуси ва қатор ташкилотлар ҳамкорлигида 12-14 июль кунлари шаҳар ва туманларда «Ёш китобхон» танловнинг саралаш босқичлари ўтказилган эди. Бу ҳақда «Дарё»га Ёшлар медиа маркази маълум қилди.
Танловнинг тест шаклида ўтган саралаш босқичларида 3 та ёш тоифаси — 10-14, 15-19, 20-30 ёш тоифалари бўйича жами 5055 нафар иштирокчи 86 ва ундан юқори балл тўплаб, иккинчи, яъни туман (шаҳар) босқичига йўлланмани қўлга киритди.
Жорий йилнинг 7—9 август кунлари барча ҳудудларда «Ёш китобхон» танловининг маҳаллий босқичлари ўтказилади. Унда туман (шаҳар)лар миқёсида саралаш босқичида 86 ва ундан юқори баллни қўлга киритган иштирокчилар «Ўзбек адабиёти билимдони» ҳамда «Жаҳон адабиёти билимдони» шартлари бўйича беллашади.
Ҳар бир ёш тоифаси бўйича юқори балл тўплаб, ғолибликни қўлга киритган бир нафардан иштирокчи танловнинг ҳудудий босқичига йўлланма олади. Танловнинг шаффоф, белгиланган мезонлар асосида ўтиши учун барча имкониятлар сафарбар этилмоқда.
Изоҳ (0)