Англия премьер-лигаси 1-тури доирасида 11 август санасидан ўрин олган сўнгги беллашув якунига етди.
АПЛга қайтган «Вулверҳемтон» ўз майдонида «Эвертон»ни қабул қилди. Беллашувда ҳисоб «Эвертон»нинг янги аъзоси Ришарлисон томонидан 17-дақиқада очилди. Ўйиннинг 40-дақиқасида Фил Жагелка қизил карточка олиб майдонни тарк этди. «Вулвер» эса имкониятдан фойдаланиб, 44-дақиқада Рубен Невешнинг ажойиб зарбаси орқали ҳисобни тенглаштирди.
Иккинчи бўлимнинг 67-дақиқасида эса бир киши кам бўлиб қолган «Эвертон» ҳисобда олдинга чиқиб олди. Гол муаллифи яна Ришарлисон бўлди. 80-дақиқада Раул Хименес «бўрилар»ни мағлубиятдан қутқариб қолган голга муаллифлик қилди.
Шу тариқа томонлар 2:2 ҳисобидаги жанговар дуранг қайд этди.
Мавзуга доир: АПЛ. «Тоттенҳэм» қийинчилик билан «Ньюкасл»ни мағлуб этди, «Челси» «Ҳаддерсфилд»ни меҳмонда тор-мор этди (видео)
Англия премьер-лигаси
1-тур беллашувлари
11- август, шанба
«Вулверхемптон»—«Эвертон» 2:2
Голлар: 0:1 – 17 Ришарлисон, 1:1 – 44 Рубен Невеш, 1:2 – 67 Ришарлисон, 2:2 – 80 Хименес.«Вулверхемптон»: Руй Патрисиу, Коуди, Боли, Кастро (Рубен Винагре, 76), Беннетт, Диогу Жота, Моутиньо (Гиббс-Уайт, 85), Элдер Кошта (Лео Бонатини, 71), Рубен Невеш, Доэрти, Хименес.
«Эвертон»: Пикфорд, Жагелка, Бейнс, Коулмен, Кин, Сигурдссон (Холгейт, 43), Гуе, Уолкотт, Шнайдерлин, Ришарлисон (Дин, 86), Тосун (Няссе, 81).
Огоҳлантиришлар: Ришарлисон (14).
Четлатиш: Жагелка (40).
Изоҳ (0)