«Барселона» ҳамда Испания терма жамоаси ҳимоячиси Жерар Пике халқаро майдондаги фаолиятини якунлаганини эълон қилди.
«Мен Луис Энрике (ҳозирда Испания терма жамоаси бош мураббийи) бир ёки икки ҳафта олдин гаплашдим ва унга кетиш борасидаги қароримни маълум қилдим. Бу жуда ажойиб тарих бўлди, аммо энди бор диққат-эътиборимни «Барселона»га қаратаман. Клубда қанча кўп қолсам, менга шунча яхши»,—дейди 31 ёшли ҳимоячи.
Пике Испания термасида 2009 йилнинг 11 февралида Англия терма жамоасига қарши ўтказилган ўртоқлик учрашувида дебют қилган.
Жерар терма сафида 102 ўйин ўтказиб, 5 та гол урган. Жамоа билан 73 ўйинда ғалаба қозонга, 15 бор дуранг натижа қайд этган, 14 учрашувда эса мағлубият аламини тотиб кўрган.
Испания термаси билан Пике ЖЧ—2010 ва Евро—2012 мусобақаларида ғолиб бўлган.
Изоҳ (0)