Бугун, 11 август санасида футбол бўйича Ўзбекистон Pepsi Суперлигасининг 21-тури бошланди.
Турнинг дастлабки ўйини Жиззахда «Сўғдиёна» ҳамда Олмалиқнинг АГМК жамоалари ўртасида бўлиб ўтди. Учрашув 1:3 ҳисобида олмалиқликлар фойдасига ҳал бўлди. АГМК сафида Зоҳир Пиримов, Музаффар Музаффаров ва Жасур Ҳасанов ўз номини таблога ёздириб қўйган бўлса, жиззахликларнинг ягона голи 77-дақиқада пенальтидан Никола Милинкович томонидан киритилди.
Турнинг марказий ўйинларидан бири Қаршида «Насаф» ва Тошкентнинг «Бунёдкор» жамоалари ўртасида кечди. Беллашувда 1:4 ҳисобида Миржалол Қосимов шогирдларининг қўли баланд келди. «Бунёдкор» сафида Шаҳзодбек Нурматов дублга эришган бўлса, Дилшод Жўраев ва Жавлон Иброҳимов ҳам қаршиликлар дарвозасини бир мартадан ишғол этди. «Насаф»нинг жавоб голига иккинчи бўлимга қўшиб берилган дақиқаларда Бобур Давлатов муаллифлик қилди.
Куннинг сўнгги ўйини эса Тошкентда кечади. «Локомотив» мусобақа аутсайдери «Нефтчи»ни қабул қилди. Учрашувда 1:1 ҳисоби қайд этилди. «Локо» 4-дақиқада Темурхўжа Абдуҳолиқовнинг голи сабаб ҳисобда олдинга чиқиб олган бўлса, 89-дақиқада фарғоналиклар Бобур Йўлдошевнинг голи сабаб, пешқадамдан очко тортиб олишнинг уддасидан чиқди.
Pepsi Суперлига
21-тур беллашувлари
11 август, шанба
«Сўғдиёна» — АГМК 1:3
Голлар: 0:1—30 Зоҳир Пиримов, 0:2—51 Музаффар Музаффаров, 0:3—65 Жасур Ҳасанов, 1:3—77, пенальти Никола Милинкович.«Насаф» — «Бунёдкор» 1:4
Голлар: 0:1—28 Шаҳзод Нурматов, 0:2—Дилшод Жўраев, 0:3—81 Шаҳзод Нурматов, 0:4—85 Жавлон Иброҳимов, 1:4 — 90+2 Бобур Давлатов.Четлатиш: Мақсуд Каримов 60.
«Локомотив» — «Нефтчи» 1:1
Голлар: 1:0—4 Темурхўжа Абдуҳолиқов, 1:1—89 Бобур Йўлдошев.12 август, якшанба
Изоҳ (0)