Angliya premyer-ligasi 1-turi doirasida 11-avgust sanasidan o‘rin olgan so‘nggi bellashuv yakuniga yetdi.
APLga qaytgan “Vulverhemton” o‘z maydonida “Everton”ni qabul qildi. Bellashuvda hisob “Everton”ning yangi a’zosi Risharlison tomonidan 17-daqiqada ochildi. O‘yinning 40-daqiqasida Fil Jagyelka qizil kartochka olib maydonni tark etdi. “Vulver” esa imkoniyatdan foydalanib, 44-daqiqada Ruben Neveshning ajoyib zarbasi orqali hisobni tenglashtirdi.
Ikkinchi bo‘limning 67-daqiqasida esa bir kishi kam bo‘lib qolgan “Everton” hisobda oldinga chiqib oldi. Gol muallifi yana Risharlison bo‘ldi. 80-daqiqada Raul Ximenes “bo‘rilar”ni mag‘lubiyatdan qutqarib qolgan golga mualliflik qildi.
Shu tariqa tomonlar 2:2 hisobidagi jangovar durang qayd etdi.
Mavzuga doir: APL. “Tottenhem” qiyinchilik bilan “Nyukasl”ni mag‘lub etdi, “Chelsi” “Haddersfild”ni mehmonda tor-mor etdi (video)
Angliya premyer-ligasi
1-tur bellashuvlari
11- avgust, shanba
“Vulverxempton”—“Everton” 2:2
Gollar: 0:1 – 17 Risharlison, 1:1 – 44 Ruben Nevesh, 1:2 – 67 Risharlison, 2:2 – 80 Ximenes.“Vulverxempton”: Ruy Patrisiu, Koudi, Boli, Kastro (Ruben Vinagre, 76), Bennett, Diogu Jota, Moutinyo (Gibbs-Uayt, 85), Elder Koshta (Leo Bonatini, 71), Ruben Nevesh, Doerti, Ximenes.
“Everton”: Pikford, Jagyelka, Beyns, Koulmen, Kin, Sigurdsson (Xolgeyt, 43), Guye, Uolkott, Shnayderlin, Risharlison (Din, 86), Tosun (Nyasse, 81).
Ogohlantirishlar: Risharlison (14).
Chetlatish: Jagyelka (40).
Izoh (0)