Халқаро қиличбозлик федерацияси президенти Алишер Усмонов Халқаро олимпия қўмитасининг Олимпия ҳаракатини ривожлантириш комиссияси аъзоси бўлди. Бу ҳақда News хабар берди.
Усмоновдан ташқари россиялик 6 нафар шахс ҳам қўмита таркибидан ўрин олди.
Жумладан, Россия теннис федерацияси президенти Шамил Тарпишев, синхрон сузиш бўйича беш карра олипмиада чемпиони Анастасия Давидова, Халқаро талабалар спорти федерацияси президенти Олег Матицин, Европа ўқ отиш конфедерацияси президенти Владимир Лисин, икки карра олимпиада чемпиони Елена Исинбаева ҳамда қиличбозлик бўйича олимпия ўйинлар чемпиони Павел Колобоков ҳам Халқаро олимпия қўмитаси комиссия аъзолигига эга бўлди.
Маълумот учун Алишер Усмонов яқинда Лондоннинг «Арсенал» клубидаги акцияларини сотиб юборган эди.
Изоҳ (0)