Яқин истиқболда Марказий Осиё давлатлари учун ягона виза жорий этилиши устида иш олиб борилмоқда. Бу ҳақда Олий Мажлис Сенатининг Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитасининг биринчи ярим йилликдаги фаолияти ва келгусидаги устувор йўналишларига бағишланган матбуот анжуманида айтиб ўтилди, дея хабар беради «Халқ сўзи».
Ҳозирча ушбу ташаббус Ўзбекистон ва Қозоғистон расмийлари ўртасида муҳокама қилинган бўлсада, яқин қўшнилар Тожикистон ва Қирғизистон ҳам бунга катта қизиқиш билдирмоқда.
Ташкилотчилар бу ташаббус Ўзбекистонга келаётган сайёҳлар оқимини янада кучайтиришга хизмат қилишини таъкидлади. Silk road visa хорижлик меҳмонларга қадимий Буюк ипак йўлида жойлашган шаҳарлар тарихи билан яқиндан танишиш ва бугунги кунидан баҳраманд бўлиш имконини беради.
Шунингдек, тадбирда қўмита томонидан Ташқи ишлар вазирининг вазирлик зиммасига юкланган вазифаларни бажариш бўйича фаолияти тўғрисидаги ахбороти эшитилди.
Изоҳ (0)