Шайх Муҳаммад Содиқ Муҳаммад Юсуф қаламига мансуб «Иймон» китобининг иккинчи нашри чоп этилди

Шайх Муҳаммад Содиқ Муҳаммад Юсуф қаламига мансуб «Иймон» деб номланган китобнинг иккинчи нашри (қайта нашр) чоп этилди. Бу ҳақда «HILOL НASHR» нашриёт-матбааси маълум қилди.

Ушбу китоб 1991 йилда биринчи нашрдан чиққан, исломнинг тамал тоши— иймон жавҳарига бағишланган бу асар китобхонлар томонидан қизғин кутиб олинган, тезда қўлма-қўл бўлиб ўқилган эди. Иймон масаласи дин асоси бўлгани туфайли, унга оид масалаларга бағишланган мазкур китобга бўлган талаб ва эҳтиёжлардан келиб чиққан ҳолда, асарнинг иккинчи, тўлдирилган нашрини чоп этишга қарор қилинди.

Янги нашрда бир қанча мақолаларга қўшимчалар киритилди. Шунингдек «Суннат», «Суннат ва илмий мў’жизалар», «Шариат», «Ислом террорга қарши», «Ислом гиёҳвандликка қарши», «Ислом ва табиатни муҳофаза қилиш», «Ислом мўътадиллик дини», «Исломда инсон ҳуқуқлари», «Ислом ва бошқа дин вакиллари», «Исломда аёллар ҳуқуқлари», «Аёллар ва тенгҳуқуқлилик» каби бир неча янги мақолалар қўшилди.