Фарғонада жорий йилнинг 6 ойи давомида 2285 та жиноят содир этилди

Фарғона вилоятида жиноятлар ўтган йилнинг шу даврига нисбатан 32 фоизга ёки 1073 тага камайди. Бу ҳақда «Дарё» мухбири Азизжон Эрматов хабар бермоқда.

Вилоятда 2018 йилнинг 6 ойи давомида 2502 нафар шахс томонидан 2285 та жиноят содир этилди. Биринчи ярим йилликда жиноятларни фош этиш кўрсаткичи 92 фоизни ташкил қилмоқда.

Олиб борилган профилактик тадбирлар натижасида вилоятда оғир ва ўта оғир жиноятлар ўтган йилнинг шу даврига нисбатан 596 тадан 407 тага камайган. Хусусан, криминоген вазиятга салбий таъсир кўрсатадиган ва қасддан одам ўлдириш 2 тага, оғир шикаст етказиш 19 та, босқинчилик 9 та, талончилик 20 та, товламачилик 9 та, номусга тегиш 6 та, ўғирлик 315 та, фирибгарлик 154 та, безорилик 1 тага камайишига эришилган.

Муқаддам судланганларга мураббий бириктириш, уларнинг бандлигини таъминлаш чоралари кўриб борилиши натижасида судланган шахслар томонидан содир этилган жиноятлар 209 тага ёки 23,1 фоизга камайди.