Тошкентдаги аввал ёпиқ бўлган яна бир кўчада автотранспортлар ҳаракати йўлга қўйиладиган бўлди. Бу ҳақда Тошкент шаҳар ИИББ матбуот хизмати хабар берди.
«Бугун, 4 август куни Бўзкўча кўчасининг Буюк Ипак йўли кўчасига туташган қисмида транспортлар ҳаракатини тиклаш ишлари бошлаб юборилди», — дейилади ИИББ ахборотида.
ИИББ матбуот хизматининг ишонч билдиришича, «ушбу кўчанинг очилиши ҳайдовчилар учун қўшимча қулайлик яратиши шубҳасиз».
Аввалроқ Ойбек кўчасидаги Фидокор (собиқ Чехов) ва Саид Барака кўчалари билан кесишган, аввал ёпиқ турган чорраҳалар қайта тиклангани ҳақида хабар берилган эди.
Изоҳ (0)