4 август кунги тест синовларида республикадаги 15 та ОТМнинг 80 та таълим йўналишида 56 минг 949 нафар абитуриент иштирок этди. Бу ҳақда Бош вазир ўринбосари Азиз Абдуҳакимов маълум қилди.
Турли сабабларга кўра 1221 нафар абитуриент имтиҳонларга келмади.
Тартиб-қоидаларни бузганлиги сабабли 194 нафар абитуриент, шундан 107 нафари ҳудудга кириш жойида уяли телефон, шпаргалкалар олиб кириш ва ўзгани ўрнига кириш, 87 нафари бино ичида шпаргалкадан фойдаланиш ва бошқа абитуриентларга ёрдам беришга уринганлиги учун тест синовларидан четлаштирилди.
4 август кунги тест натижалари 5 август куннинг иккинчи ярмида Давлат тест маркази сайтида эълон қилинади.
Изоҳ (0)