Ўзбекистонда Business City ишбилармонлик марказлари қурилади. Бу Президент Шавкат Мирзиёевнинг жорий йил 3 август куни эълон қилинган қарорида кўзда тутилган.
Қарорга кўра, марказлар ҳудудлар меъморий кўринишини яхшилаш, инвесторлар учун жозибадорлигини ошириш, сайёҳларнинг асосий йўналишларида замонавий бинолар қуриш ва аҳоли учун қулайлик яратиш мақсадида барпо этилмоқда.
Мазкур объектлар инвесторлар пуллари, хайрия маблағлари ва қонунда кўзда тутилган бошқа манбалар ҳисобидан қурилади. Уларнинг лойиҳалари етакчи маҳаллий ва хорижий мутахассислар иштирокида ишлаб чиқилади.
Марказлар учун ер майдонлари ташаббускорларга энг яхши инвестициявий таклифларни танлаб олиш асосида тақдим этилади. Хусусан, жалб этилаётган маблағлар ҳажми эътиборга олинади.
Business City барпо этилиши давомида энергия тежовчи технологиялардан фойдаланилиши зарур.
Изоҳ (0)