3 август куни бўлиб ўтган тест имтиҳонлари жавоблари эълон қилинди

Ўзбекистон бош вазири ўринбосари Азиз Абдуҳакимов 3 август куни бўлиб ўтган тест имтиҳонлари жараёни ҳақида ҳисобот берди.

Шу куни тест синовлари шахсни идентификациялаш воситалари, видеофиксация ҳамда доимий видеокузатув қурилмалари билан жиҳозланган 57 та бинода 17 та олий таълим муассасаларининг 89 та таълим йўналиши бўйича ўтказилган. Тест синовларида 58 276 нафар абитуриент иштирок этган, 1 535 нафар абитуриент тестга келмаган.

Тест синовлари тартиб қоидаларини бузганлиги сабабли 144 нафар абитуриент тест синовларидан четлаштирилган. Тест синовларига гуруҳ назоратчилари сифатида 2 419 нафар ўқитувчилар жалб этилган.

Давлат гранти бўйича энг юқори ўтиш бали — 172,3, Ўзбекистон миллий университетининг «Тарих (мамлакатлар ва минтақалар бўйича)» таълим йўналиши; тўлов-контракт бўйича энг юқори ўтиш бали — 153,4, Ўзбекистон миллий университетининг «Тарих (мамлакатлар ва минтақалар бўйича)» таълим йўналиши. Ўртача ўтиш бали: давлат гранти – 120,8; тўлов-контракт – 99,6.

Тест синовлари натижалари Давлат тест марказининг http://www.dtm.uz/page/test_result саҳифасида 4 август куни соат 18:45да эълон қилинди.