«Милан» ва «Ювентус» клублари бир йўла учта трансфер ҳақида эълон қилди.
Унга кўра «кекса синьора» таркибига бир йилда давомида «Милан»да фаолият олиб борган ҳимоячи Леонардо Бонуччини қайтарди. Бонуччи «Ювентус» билан 2023 йилгача шартнома имзолади.
Гонсало Игуаин ва Маттиа Кальдара эса «Милан»га трансфер қилинди. Маттиа «Милан» билан 2023 йилгача шартнома тузди.
Игуаин эса «Ювентус» томонидан миланликларга бир йилга ижарага берилди. «Милан» бир йиллик ижара учун 18 миллион евро тўлайди. Шунингдек, 2019 йилда футболчини 36 миллион еврога сотиб олиши мумкин бўлади. Бу маблағ икки йил давомида тўланади.
Бонуччи ва Кальдара эса клублар томонидан 35 миллион еврога баҳоланган. Қайд этилишича, «Ювентус» ва «Милан» мазкур маблағларни икки йилда давомида бир-бирига тўлайди.
Туринликлар мазкур ўтишларнинг клуб учун ижобий самарасини 22 миллион еврога баҳолаган.
Изоҳ (0)