Ўзбекистонлик профессионал боксчи, жаҳонга машҳур Флойд Мейвезер билан ҳамкорлик қилаётган Санжарбек Раҳмонов бугун, 3 август санасида ўзининг навбатдаги жангини ўтказади, деб хабар берди Миллий олимпия қўмитаси матбуот хизмати.
Санжарга америкалик Маркус Тайлор рақиблик қилади. Саккиз раундга мўлжалланган жанг Лас-Вегас шаҳридаги Sam’s Town Hotel & Gambling Hall’да бўлиб ўтади.
Маълумот учун Раҳмонов профессионал фаолияти давомида 11 та жанг ўтказиб, уларнинг 10 тасида ғалаба қозонган (5 таси нокаут билан). Битта тўқнашувда эса дуранг қайд этган. Тайлор эса проф рингда 10 маротаба жанг ўтказган ва уларнинг 9 тасида ғалабага эришган. Битта жангда эса мағлубиятга учраган.
Изоҳ (0)