Бунга қадар Яшнобод тумани ҳокимининг иқтисодиёт ва тадбиркорлик масалалари бўйича биринчи ўринбосари лавозимида ишлаган Ҳожиакбар Тиллашайхов Яшнобод тумани ҳокими вазифасини бажарувчи лавозимига тайинланди. Бу ҳақда Тошкент шаҳар ҳокимлиги матбуот хизмати хабар берди, деб ёзади «Газета.uz».
Ҳожиакбар Тиллашайхов 1983 йилда Тошкент шаҳрида туғилган. 2004 йилда Тошкент кимё технология институти (кундузги), 2009 йилда Тошкент давлат иқтисодиёт университети (сиртқи), 2010 йилда Ўзбекистон Банк-молия академияси, 2016 йилда Президент ҳузуридаги Давлат бошқаруви академиясини тамомлаган.
2016 йилда «Ипак йўли» банки Сағбон филиали бошқарувчисининг ўринбосари лавозимида ишлаган. 2016—2017 йилларда Яшнобод тумани ҳокимининг иқтисодий ва ижтимоий ривожлантириш, хизматлар соҳаси ва тадбиркорлик масалалари бўйича ўринбосари лавозимида ишлаган.
Изоҳ (0)