Ташқи савдо вазири Жамшид Хўжаев жорий йил октябрида ўтказиладиган илк Ўзбекистон—Россия минтақалараро форумига тайёргарлик масалаларини муҳокама этиш учун Россиянинг Ўзбекистондаги элчихонаси маслаҳатчиси Вадим Митрофанов билан учрашди. Бу ҳақда вазирлик матбуот хизмати маълум қилди.
«Бугунги учрашув айни пайтида ўтказилмоқда. Бундай йирик воқеа пухта тайёргарликни талаб қилади. Биринчи Ўзбекистон—Россия минтақалараро форуми икки мамлакат бизнес доиралари ўртасидаги ҳамкорликни фаоллаштиришга туртки бўлади», — деб таъкидлади Вадим Митрофанов учрашувда.
Томонлар минтақалар ўртасида бизнес, транспорт, кооперацион муносабатларда тўғридан-тўғри ҳамкорликни ривожлантиришдан манфаатдорликларини билдирди. Якунда форумни ташкил этиш ва минтақаларо ташрифлар бўйича келгуси ҳаракатлар юзасидан келишиб олинди.
Изоҳ (0)