Янгиер кичик саноат зонасида энергияни 90 фоизгача тежайдиган лампалар ишлаб чиқарилмоқда. Бу ҳақда «Халқ сўзи» хабар берди.
Ушбу лойиҳа Fly Led Group масъулияти чекланган жамияти томонидан амалга оширилди. Ҳозирда корхонада 5 вольтдан 15 вольтгача бўлган ана шундай LED лампалари тайёрланмоқда. Улар турдошларига нисбатан яроқлилик муддати узоқлиги билан ҳам ажралиб туради.
Жамият иш бошқарувчиси Лола Хидированинг айтишича, кунига ўртача 7000 та маҳсулот ишлаб чиқарилиб, буюртмачиларга етказиб бериляпти. Ушбу замонавий ёритқичлар қўшни Тожикистон ва Қозоғистонга экспорт қилиниши кутилмоқда.
Жамоа кузгача яна бир йирик лойиҳани амалга ошириб, автомобиллар эҳтиёт қисмлари ишлаб чиқаришни йўлга қўйиш ҳаракатини бошлаб юборди.
Изоҳ (0)