23 июль, душанба куни Муҳаммад ал-Хоразмий номидаги ахборот коммуникация технологиялари йўналишига оид фанларни чуқурлаштириб ўқитишга ихтисослаштирилган мактаб 2018—2019-ўқув йили учун 5-синфга қабул имтиҳонлари онлайн намойиш этилади. Бу ҳақда мактаб ахборот хизмати «Дарё»га хабар берди.
Ихтисослаштирилган мактаб 2017 йилда фаолиятини бошлаган.
«Ўзкўргазмасавдо» биносида бўлиб ўтадиган 2018—2019-ўқув йили учун 5-синфга қабул имтиҳонлари «Live.inha.uz» саҳифаси ва мактабнинг расмий Facebook саҳифаси орқали онлайн намойиш этилади.
«Live.inha.uz» саҳифаси TAS-IX ҳудудида жойлашган бўлиб, видео юклашнинг юқори тезлиги таъминланади.
Шу билан бирга мактаб маъмурияти имтиҳонларнинг шаффофлигини таъминлаш учун ота-оналарни кузатувчи сифатида имтиҳон залига таклиф этади.
Изоҳ (0)