Сирдарё вилояти Боёвут туманида Жанубий Кореянинг НCГ Энгиниринг компаниясининг тўғридан-тўғри инвестицияси иштирокида бунёд этиладиган саноат зонаси ва унинг ишчи-ходимларига мўлжалланган аҳоли пунктига тамал тоши қўйиш маросими бўлиб ўтди. Бу ҳақда «Халқ сўзи» хабар бермоқда.
Мазкур ишлаб чиқариш ҳудудида 100 дан ортиқ корхона ташкил этилади. Ва унга 300 миллион АҚШ доллари миқдоридаги тўғридан-тўғри инвестиция йўналтирилади. 2018—2023 йилларда тўлиқ фойдаланишга топширилиши режалаштирилган саноат ҳудудида 10 мингдан ортиқ ишчи ўрни яратилади. Унда косметика, фармацевтика, чарм-пойабзал, озиқ-овқат саноати каби кўплаб тармоқлар линиялари ишга туширилади. Барча ишлаб чиқариш жараёнлари юқори технологиялар асосида йўлга қўйилади.
Эътиборлиси, масъулияти чекланган жамият шаклида фаолият бошлаган «НCГ Энгиниринг Боёвут» хусусий корхонаси учун ҳар жиҳатдан қулай ҳудуддан ер майдони ажратилди. Яъни ушбу жой яқинида темир йўл, автомагистрал ҳамда юқори кучланишли электр қуввати каби инфратузилма тармоқлари мавжуд.
Тадбирда Сирдарё вилояти ҳокими Ғофуржон Мирзаев, НCГ Энгиниринг компанияси президенти Жанг Ил Квеон иштирок этди.
Изоҳ (0)