23-iyul, dushanba kuni Muhammad al-Xorazmiy nomidagi axborot kommunikatsiya texnologiyalari yo‘nalishiga oid fanlarni chuqurlashtirib o‘qitishga ixtisoslashtirilgan maktab 2018—2019-o‘quv yili uchun 5-sinfga qabul imtihonlari onlayn namoyish etiladi. Bu haqda maktab axborot xizmati “Daryo”ga xabar berdi.
Ixtisoslashtirilgan maktab 2017-yilda faoliyatini boshlagan.
“O‘zko‘rgazmasavdo” binosida bo‘lib o‘tadigan 2018—2019-o‘quv yili uchun 5-sinfga qabul imtihonlari “Live.inha.uz” sahifasi va maktabning rasmiy Facebook sahifasi orqali onlayn namoyish etiladi.
“Live.inha.uz” sahifasi TAS-IX hududida joylashgan bo‘lib, video yuklashning yuqori tezligi ta’minlanadi.
Shu bilan birga maktab ma’muriyati imtihonlarning shaffofligini ta’minlash uchun ota-onalarni kuzatuvchi sifatida imtihon zaliga taklif etadi.
Izoh (0)