Шарқий ҳарбий округига қарашли Фарғона вилоятидаги ҳарбий қисмга бир гуруҳ маҳалла фаоллари ва ёшлар ташриф буюрди. Улар учун ҳарбий қисм бўйлаб экскурсия ташкил этилди, деб хабар беради Мудофаа вазирлиги матбуот хизмати.
Меҳмонлар ҳарбий қисм бўйлаб экскурсияни «Жасорат майдони»дан жой олган фидойилар пойига гул қўйишдан бошлади. Шунингдек, уларга жанговар машғулотларни кузатиш имконияти тақдим этилди.
Ташриф буюрганлар ҳарбий қисмда ташкил этилган Маданий ҳордиқ маркази ва кутубхона фаолияти, ҳарбийлар ҳаёти ҳамда уларнинг яшаш тарзи билан ҳам яқиндан танишди. Аскарларнинг яшаши учун яратилган шароитлар меҳмонларнинг ҳар бирини эътирофига сазовор бўлди.
Маданий ҳордиқ чиқариш мақсадида турли спорт беллашувлари, жумладан, арқон тортиш, шахмат-шашка, билярд ташкил этилди ва меҳмонлар ҳарбийлар билан беллашди. Ҳарбий қисм ичидаги Ҳаво десант тайёргарлиги шаҳарчаси ҳамда у ердан ўрин олган техникаларни кўздан кечирди.
Изоҳ (0)