Навоий вилоятининг Нурота туманида 4 июль куни номаълум ҳайдовчи аниқланмаган автомашинани «Истиқлол» МФЙ Сойкечар қишлоғидан ўтувчи «Янгитурмуш-Нурота» йўлида ҳайдаб кетаётиб йўлнинг қатнов қисмида маст ҳолда ётган фуқарони босиб кетиб, воқеа жойидан яширингани ҳақида хабар берилганди. Бу ҳақда ИИВ жамоатчилик ва ОАВ билан алоқалар бошқармаси маълум қилди.
Кўрилган чоралар ва фуқароларнинг берган маълумотлари натижасида ушбу йўл-транспорт ҳодисасини Нурота туманида яшовчи муқаддам судланган О.Қ. содир этганлиги аниқланиб, қўлга олинди.
ИИВ ушбу ҳолат юзасидан билган маълумотларини ички ишлар органларига тақдим этган фуқароларга миннатдорлик билдирди.
Изоҳ (0)