Таиландда қисман сув тошқини остида қолган Кхао Луанг ғоридан мактаб футбол жамоасининг 12 нафар ўйинчиси ва уларнинг мураббийи иложи борича тезроқ эвакуация қилиниши керак. Бу ҳақда қирол Maxа Вачиралонгкорн (Рама Х) айтиб ўтган, деб ёзади «ТАСС».
Бош вазир ўринбосари Правит Вонгсуваннинг сўзларига кўра, болалар ва мураббий ер остидан имкони борича тезроқ чиқариб олиниши керак. «Қирол барча қутқарувчиларга кўрсатма берди, унга кўра, 13 киши ғордан тезроқ эвакуация қилиниши керак», — деди у. Рама Х ушбу вазият келажакда юз бериши мумкин бўлган шунга ўхшаш вазиятлардаги операциялар учун батафсил ўрганиб чиқилиши кераклигини ҳам айтган.
Шу билан бирга, маҳаллий ҳукумат ғордаги сув сатҳига боғлиқ бўлган эвакуация жараёнини қачон бошлаш ҳақида бир қарорга келгани йўқ, ғорнинг бир қисми сув остида қолган бўлиб, футболчиларнинг тепага чиқиб олишига халал бермоқда. Шу билан бирга, қамалиб қолган 13 кишининг бари озиқ-овқат ва дори-дамрон билан таъминланмоқда.
Изоҳ (0)