Хитойдаги энг йирик конгломератлардан бири — HNA Group ҳамасосчиси ва директорлар кенгаши раиси Ван Цзянь 3 июль куни Францияга хизмат сафари чоғида вафот этди, деб ёзади «Коммерсантъ».
HNA Group сайтидаги баёнотда унинг вафотига Франция жануби, Провансдаги бахтсиз ҳодиса сабаб бўлгани айтилган.
Франция полицияси аниқлик киритишича, Ван сайёҳлик гуруҳи таркибида қадимий Бонньё қишлоғига ташриф буюрган ва у ерда баланд деворга чиқиб, суратга тушмоқчи бўлган. 57 ёшли бизнесмен ўзини тута олмай, 15 метр баландликдан йиқилган.
Полиция унинг ўлими юз берган ҳолатни шубҳали деб ҳисобламаяпти.
Изоҳ (0)