Урал транспорт прокуратураси фоҳишахона ташкил этганликда ва қотилликда айбланаётган ўзбекистонлик аёлни Грузияга топширади. Бу ҳақда Sputnik хабар бермоқда.
«Тергов жараёнида аниқланишича, айбланувчи 2012—2013 йилларда Грузиянинг Батуми шаҳрига келган ҳамда яна тўрт нафар ўзбекистонлик аёлни яхши иш топиб бериш важи билан чақириб олган. Шундан сўнг у ўз юртдошларининг паспортларини олиб қўйган ҳамда фоҳишалик билан шуғулланишга мажбур қилган, сўнгра уларнинг ишлаб топган пулларини ўзлаштириб юборган», — дейилади хабарда.
Фоҳишаликка мажбурланган аёллардан бири ҳуқуқ-тартибот органларига шикоят қилиш билан таҳдид қилганидан сўнг, аёл уни ўлдиртирган.
Ўзбекистонлик аёл Россияда жиноий жавобгарликдан яширинган. У 2017 йилнинг сентябрь ойида қўлга олинган.
Россия бош прокуратураси ушбу ҳолат юзасидан Грузия адлия вазирлиги сўровини қаноатлантириш ҳақида қарор қабул қилди.
Изоҳ (0)