«Ангрен» эркин иқтисодий зонасида бу йил жами қиймати 300 миллион долларга тенг 15 та янги лойиҳа амалга оширилади, шунинг 78 миллион долларини тўғридан-тўғри хорижий инвестициялар ташкил этади, деб ёзади Spot.
Хусусан, чармни қайта ишлаш, пўлатдан чоксиз трубалар ва фитинглар, безакли сопол плиткалар, конвейер тасмалари, қишлоқ хўжалик ва автомобиль шиналари, электр насослар, автоклав газ-бетондан блоклар, металл конструкциялар ва бошқаларни ишлаб чиқариш бўйича корхоналарни ташкил этиш режалаштирилмоқда.
ЭИЗ вакили сўзларига кўра, 2017 йилда корхоналар лойиҳаларни амалга ошириш доирасида 89,1 миллион миқдордаги инвестицияларни ўзлаштирган. Бу 2016 йилги кўрсаткичдан 57,1 фоизга кўпдир. «Ангрен» ҳудудида ўтган йилда 8,6 миллион долларлик бешта янги ишлаб чиқариш объектлари очилган, шунинг 5,1 миллион доллари тўғридан-тўғри хорижий инвестициялар улушига тўғри келган.
Изоҳ (0)