Россиянинг Пенза шаҳри яқинида автобус бузилиб қолиши натижасида қолиб кетган ўзбекистонликлар ўз ватанларига йўлни давом эттирди, деб ёзади Sputnik республика элчихонасига таяниб.
Пенза вилояти бўйича фавқулодда вазиятлар бошқармаси маълумотларига кўра, 70 нафар Ўзбекистон фуқаросини олиб кетаётган йўловчи автобуси узатиш қутисидаги носозлик туфайли Пензадан тахминан 1 соатлик масофада тўхтаб қолган. Воқеа жойига етиб келган фавқулодда вазиятлар бошқармаси ходимлари тезкорлик билан носозликни бартараф қилган.
Бундан ташқари, Ўзбекистон элчихонаси маълумотларига кўра, йўловчиларга иссиқ овқат ва маҳаллий меҳмонхонадан бепул хоналар таклиф қилинган. Аммо йўловчилар меҳмонхона хизматларидан ва тиббий ёрдамдан бош тортган.
Техник носозлик баратараф этилгач, 4 июль куни тахминан 13:00 (Тошкент вақти билан 15:00) да автобус Ўзбекистонга қараб ўз йўлини давом эттирган.
Изоҳ (0)