АҚШ разведка хизматлари ўзлари қўлга киритган далилларга асосланиб, КХДР ўз ядро арсеналидан тўлиқ воз кечмоқчи эмаслиги ва бунинг ўрнига ўз ихтиёридаги жанговар каллаклар сонини, шунингдек, қурол-яроғ ишлаб чиқувчи ҳарбий объектларини яшириш усулларини кўриб чиқаётгани ҳақидаги хулосага келди, деб ёзади «ТАСС».
The Washington Post махсус хизматлардаги манбаларига таяниб маълум қилишича, 12 июнда Сингапурда бўлиб ўтган Америка—Шимолий Корея саммитидан кейин олинган маълумотлар АҚШ разведкасининг янги, аввал номаълум бўлган хулосаларини тасдиқлайди, уларга кўра, КХДР «ядросизлантиришни ўтказиши амри маҳол».
NBC телекомпанияси хабар беришича, Пхеньян сўнгги ойларда ядро қуроли яратиш учун бойитилган уран ишлаб чиқаришни кўпайтирган. Марказий разведка бошқармаси ва бошқа идоралар тахмин қилишича, Ким Чен Ин Вашингтон томонидан КХДРнинг ядровий дастури борасида катта ён беришларни кутаётган бир пайтда, у АҚШни бундай объектлар борлиги ҳақида янглиштириши мумкин.
Изоҳ (0)