Японияда хусусий ракета парвозга кўтарилиши билан портлаб кетди

Interstellar Technologies венчур компаниясига тегишли хусусий ракетани учириш бўйича иккинчи уриниш ҳам муваффақиятсизликка учради: ракета стартдан ҳеч қанча ўтмай портлаб кетди, дея хабар бермоқда «РИА Новости».

Узунлиги 10 метр бўлган MOMO ракетасини учириш венчур компаниянинг Япония давлат аэрокосмик агентлиги (JAXA) ёрдамисиз учувчи қурилмани космосга олиб чиқиш бўйича иккинчи уриниш эди.

Биринчи уриниш роппа-роса 11 ой аввал — 2017 йил 30 июлида бўлганди. Ўшанда бир босқичли, узунлиги 10 метр, оғирлиги 1 тонна бўлган MOMO-1 ракетаси Хоккайдо оролидан учирилган, бироқ 20 километр юқорига кўтарилгач, у билан алоқа узилиб қолган эди. Ракета Хоккайдодан 6,5 минг километр узоқликда, Тинч океанига қулаган эди.

Иккинчи уриниш ҳам омадсиз кечди. Бошқарув 600 метр масофадан туриб амалга оширилгани боис, бахтсиз ҳодиса оқибатида ҳеч ким жабрланмади. Томошабинлар учун мўлжалланган жой эса ракета старт майдонидан 1,5 километр узоқликда эди.

Компания муваффақиятсизлик сабабларини аниқлаш устида иш бошлаган.