Қуёш тизимида аниқланган тарихдаги биринчи юлдузлараро астероид Оумуамуанинг тезлиги ошмоқда. Бу тезлашишни на Қуёш ва сайёралар гравитацияси, на Қуёш шамоллари таъсири билан тушунтириб бўлади. Бу ҳақда «Корреспондент.net» хабар берди.
Ерга яқинлашувчи объектларни ўрганувчи координацион марказ Оумуамуанинг траекториясини аниқлаш мақсадида астрономик кузатув олиб борган.
Таҳлилнинг кўрсатишича, кузатилган траекторияни фақат Қуёш, сайёралар, Ой, Плутон ва астероид асосий белбоғидаги 16 та энг катта жисм гравитацияси билан тушунтириб бўлмайди. Олимлар орбита радиусига пропорсионал равишда тескари ўзгарган жуда кучсиз «бегона» тезлашишни аниқлаган.
Тадқиқот муаллифларининг хулосасига кўра, ҳақиқатга яқинроқ сабаб объектнинг Қуёшга яқинлашиши вақтида унинг юзасидаги учаётган моддалардан юзага келган газ ва чанг қатламининг реактив кучи ҳисобланади.
Изоҳ (0)