«ЭкзоМарс-TGO» Россия-Европа зонди Ерга Марсдаги асосий «диққатга сазовор» жойларнинг, шу жумладан, Қуёш тизимидаги энг узун дарё ва канённинг юқори аниқликдаги суратларини жўнатди. Бу ҳақда «РИА Новости» хабар берди.
«ЭкзоМарс-TGO» Россия-Европа қўшма миссияси Қизил сайёрага 2016 йилнинг 19 октябрида етиб борган. Миссиянинг орбита қисми Марсга яқинлашиш ва барқарор орбитага чиқиш вазифасини муваффақиятли уддалаган, «Скиапарелли» намойиш модулининг Марс экватори яқинидаги Меридиан платосига қўниши эса муваффақиятсиз якунланган.
Илмий вазифаларни ечиш ва Марс атмосфераси сирларини очиш билан бирга, TGO бошқа муҳим вазифани ҳам бажаради. У бир томондан Ер билан, иккинчи томондан, Марсга 2020 йилда юбориладиган Европанинг «Пастер» аппаратини ва Россиянинг қўниш платформасини боғлаш вазифасини бажаради.
Изоҳ (0)