АҚШ махсус прокурори Роберт Мюллернинг жамоаси Россия билан боғлиқ миллиардерлар қандай қилиб мамлакатнинг амалдаги президенти Дональд Трампнинг инаугурация маросими муносабати билан ўтказилган тадбирга таклиф қилинганини аниқлашга уринмоқда. Бу ҳақда «Ведомости» хабар берди.
Хабар берилишича, гап 2017 йил январь ойида Вашингтонда инаугурация маросимидан бир кун аввал бўлиб ўтган тадбирлар ҳақида кетмоқда. Тадбирлардан бирида тахминан 500 нафар меҳмон — Трампнинг яқин дўстлари, сайловолди штаб аъзолари, хорижий элчилар, шу жумладан, Россиянинг АҚШдаги элчиси Сергей Кисляк иштирок этган.
Кечки овқатлардан бирида Россия билан боғлиқ бизнесменлар Виктор Векселберг, унинг амакиваччаси Эндрю Интратер, қозоғистонлик миллиардер Александр Машкевич иштирок этган.
Изоҳ (0)