“EkzoMars-TGO” Rossiya-Yevropa zondi Yerga Marsdagi asosiy “diqqatga sazovor” joylarning, shu jumladan, Quyosh tizimidagi eng uzun daryo va kanyonning yuqori aniqlikdagi suratlarini jo‘natdi. Bu haqda “RIA Novosti” xabar berdi.
“EkzoMars-TGO” Rossiya-Yevropa qo‘shma missiyasi Qizil sayyoraga 2016-yilning 19-oktabrida yetib borgan. Missiyaning orbita qismi Marsga yaqinlashish va barqaror orbitaga chiqish vazifasini muvaffaqiyatli uddalagan, “Skiaparelli” namoyish modulining Mars ekvatori yaqinidagi Meridian platosiga qo‘nishi esa muvaffaqiyatsiz yakunlangan.
Ilmiy vazifalarni yechish va Mars atmosferasi sirlarini ochish bilan birga, TGO boshqa muhim vazifani ham bajaradi. U bir tomondan Yer bilan, ikkinchi tomondan, Marsga 2020-yilda yuboriladigan Yevropaning “Paster” apparatini va Rossiyaning qo‘nish platformasini bog‘lash vazifasini bajaradi.
Izoh (0)