Александр Лукашенко Ўзбекистонга Минскда элчихона қуришни таклиф қилди
Белорус президенти Александр Лукашенко Ўзбекистонга Минскда элчихона қуришни таклиф қилди. Бу ҳақда мамлакат телеграф агентлиги маълум қилди.
«Биз Ўзбекистон билан кўп ишларни амалга оширдик. Элчихона биноси қуришга қарор қилсангиз, яхши жой таклиф қилишимиз мумкин», — деди Лукашенко Ўзбекистон элчиси Носиржон Юсуповдан ишонч ёрлиғини қабул қилиб олганидан сўнг.
Лукашенко Ўзбекистон ва Беларусни боғлаб турган дўстлик ришталарининг юқори баҳолашини ва кўп йилллик ҳамкорнинг Минскда тўлақонли дипломатик ваколатхона очиш ҳақидаги қарорини қўллаб-қуваватлашини айтди.
«Бу ўзаро мулоқотни чуқурлаштириш учун ўз вақтида амалга оширилган муҳим қадам қадам», — деди Белорус раҳбари.
Носиржон Юсуповга кўра, Белорус раҳбари Ўзбекистон томонининг элчихона қуриш ниятини англаган.
«Бу биз учун яхши таклиф ва яқин орада уни амалга оширишга киришамиз. Албатта, олдин айрим ташкилий-техник ишларни ҳал қилиб олишимиз керак», — деди элчи.
Белорус ва Ўзбекистон муносабатлари охирги вақтларда изчил ривожланиб бормоқда. Айни вақтда икки томон ҳам Белорус раҳбарининг Ўзбекистонга режалаштирилаётган ташрифига тайёргарлик кўрмоқда.
