АҚШ Туркияга Россиядан ҳарбий техника харид қилган тақдирда санкциялар қўллаш билан таҳдид қилди

Туркия Россиядан С-400 зенит-ракета мажмуасини харид қилса, Америка ҳукумати Анқарага нисбатан санкциялар жорий қилади. Бу ҳақда Европа ва Евроосиё масалалари бўйича АҚШ давлат котиби ёрдамчиси Уэсс Митчеллнинг сўзларига асосланиб, «Газета.ru» хабар бермоқда.

«Биз Туркияга Россиядан С-400 мажмуасини харид қилган тақдирда санкция жорий қилинишини тушунтирдик. Биз санкцияларни ‘Америка душманларига санкциялар ёрдамида қаршилик кўрсатиш’ қонунига мувофиқ жорий этамиз», — дейди Митчелл.

У, шунингдек, ушбу харид Туркия ва АҚШ муносабатларига салбий таъсир кўрсатиши, уни қайта тиклаш қийин бўлишини ҳам таъкидлаган.