Ўзбекистон Молия вазирлигининг замонавий ва оригинал логотипини яратиш учун профессионал график дизайнерлар, рассомлар ҳамда рассомлик маҳоратига эга бўлган креатив шахслар учун танлов эълон қилинди.
Логотипнинг мафкуравий ва ғоявий таркиби вазирлик фаолиятининг ўзига хос хусусиятларига, шунингдек, қонуний, маданий ва эстетик стандартларга мос бўлиши лозим.
Иштирокчи бошқа бировларнинг муаллифлик ва турдош ҳуқуқларини танлов ишларида бузган тақдирда, барча ҳуқуқбузарликка шахсан жавобгар ҳисобланади.
Танлов иши ўзида график қисм ва тушунтириш хатини жамлаши лозим.
График қисм тасвирдан иборат, осонлик билан ўқиладиган, «Ўзбекистон Республикаси Молия вазирлиги» ёзувли оригинал логотипни ташкил этиши ва тасвир, эскиз, чизма, график макет ҳамда 3D-рендер шаклларида тақдим этилиши мумкин.
Тушунтириш хати ихтиёрий шаклда бўлиб, у тақдим этилган вазирлик логотипи концепциясини дизайндаги маънавий-мафкуравий элементларини талқин этиш орқали акс эттириши керак.
Танлов 2 босқичда ўтказилади:
I босқич: 2018 йил 25 июндан 5 июлгача — танлов ишлари кўриб чиқилади;
II босқич: 2018 йил 6 июлдан 11 июлгача — ишларни баҳолаш.
Танлов ғолиби энг кам иш ҳақининг 25 баробари миқдорида мукофотланади.
Изоҳ (0)