Сўнгги икки йил ичида Nokia маҳсулотлари линейкаси ишониб бўлмайдиган даражада кенгайди. Шу билан бирга, компания смартфонлар учун янгиланмаларни чиқаришни ва ҳатто янги дастурий функцияларни қўшишни ҳам унутмаяпти, деб ёзади Hi-Tech Mail.Ru.
Компания ўз Twitter’ида Nokia 8 Sirocco, 7 Plus ва 6.1 смартфонлари учун юзни таниб олиш функциясини қўшишни режалаштираётганини маълум қилди.
Юзни сканерлаш функцияси дастур даражасида қўллаб-қувватланади. У iPhone X ёки Xiaomi Mi 8 дагидек алоҳида 3D-сенсор эмас, балки олд камера ёрдамида ишлайди.
Компания янгиланма чиқадиган санага аниқлик киритмади, у «яқин ойларда» чиқиши айтилди.
Изоҳ (0)