Samsung компанияси янги Galaxy S10 смартфонини 2019 йил январидаёқ чиқаришни режалаштирмоқда, деб ёзади Hi-Tech Mail.Ru. Айни пайтда таниқли блогер ва инсайдер Ice Universe интернетга смартфоннинг «жонли» суратини жойлади, у ҳайратланарли кўринишга эга.
Қурилманинг юза қисмида деярли ром йўқ, уни тўлиқ экран қоплаган, экраннинг тепасида «қош»нинг йўқлиги кўпчиликни хурсанд қилди. Олд панелда ҳеч қанақа датчиклар кўринмайди, улар суриб чиқарилувчи модулларга «яширилган» ёки бармоқ изи сканери билан бирга экран остига ўрнатилган бўлиши мумкин. Шунингдек, смартфон миш-мишларга кўра, фойдаланувчининг юзини таниб олувчи олд 3D-камерага эга бўлиши мумкин.
Аввалроқ бўлғуси флагман 6,2 дюймли товуш чиқарувчи дисплей билан жиҳозланиши ҳақида хабарлар тарқалган эди. Бу миш-миш янги сурат билан мос тушади.
Изоҳ (0)