Туркия Олий сайлов комиссияси раҳбари Сади Гювен мамлакат етакчиси Ражаб Тоййиб Эрдўғон президент сайловида мутлақ кўпчилик овозга эга бўлганини маълум қилди, деб ёзади «Газета.ru».
Унинг сўзларига кўра, комиссия бюллетенларнинг 97,7 фоизини ҳисоблаб чиққан, ҳисоб-китоблар натижалари бўйича Эрдўғон мутлақ кўпчилик овозни қўлга киритган.
Олий сайлов комиссияси раҳбари қолган бюллетенларнинг ҳисоблаб чиқилиши энди натижага таъсир қилмаслигини таъкидлади.
Аввалроқ Шавкат Мирзиёев Ражаб Тоййиб Эрдўғон билан телефон орқали суҳбатлашиб, уни Туркия президенти лавозимига сайлангани билан табриклаган эди.
Изоҳ (0)