Канаданинг одоб-ахлоқ бўйича кузатув органи мамлакатнинг бош вазири Жастин Трюдони манфаатлар зиддияти тўғрисидаги қонунни бузгани учун 100 доллар миқдоридаги жаримага тортди, деб хабар беради «РБК».
Бош вазир ўзига совға қилинган қуёшдан ҳимоя қилувчи кўзойнакни таққани учун жарима тўлашга мажбур бўлмоқда.
Трюдонинг матбуот котиби Элеаноре Катенаро бош вазир маъмурий хатолик туфайли кўзойнакни декларация қилмаганини билдирган. Унинг айтишича, декларация қоғози нотўғри тўлдирилган бўлиши мумкин.
Маҳаллий қонунчиликка кўра, бош вазир қиймати 200 доллардан қиммат бўлган барча ўзи олган совғалар ҳақида 30 кун ичида маълум қилиши ва декларациядан ўтказиши керак.
Трюдо эса ўзи ва рафиқасига совға қилинган икки жуфт кўзойнак ҳақида маълумот бермаган.
Fellow Earthlings брендига оид кўзойнакларнинг улгуржи нархи 300 доллардан 500 долларгача баҳоланади.
Изоҳ (0)