Бугун 23 июнь санасида футбол бўйича Россия майдонларида бўлиб ўтаётган Жаҳон Чемпионатининг 2-тур ўйинлари давом эттирилади.
Куннинг дастлабки ўйини «G» гуруҳи вакиллари бўлмиш 1-турда Панамани йирик ҳисобда мағлуб этган Бельгия ҳамда сўнгги дақиқаларда Англияга имкониятни бой берган Тунис терма жамоалари ўртасида кечди.
Учрашувда ҳисоб 6-дақиқада Эден Азар томонидан очилди. Азар пенальтини аниқ амалга ошириб, Бельгияни ҳисобда олдинга олиб чиқди. Иккинчи гол эса 16-дақиқада Ромелу Лукаку ҳисобига ёзилди. Орадан 2 дақиқа ўтиб, Тунис термаси аъзоси Дилан Бронн ҳисобни қисқартирди. Биринчи бўлим якунида Ромелу Лукаку ўз номини яна бир бор таблога ёздириб қўйди.
Иккинчи бўлимдаги дастлабки гол ҳам Эден Азар ҳисобига ёзилди. Захирдан майдонга тушган Миши Батшуайи ҳам ўйиннинг 90-дақиқасида ҳам гол уришга эришди. Беллашувга якуний нуқтани эса Тунис термаси сардори Ваҳби Ҳазри қўйди. У ҳакам томонидан қўшиб берилган дақиқаларда жамоасининг иккинчи голини киритишга эришди.
Шу тариқа ўйин Бельгиянинг 5:2 ҳисобидаги ғалабаси билан якунланди.
Бу ғалабадан сўнг Роберто Мартинес шогирдлари «G» гуруҳида 6 очко билан пешқадам бўлиб турибди.
«Дарё» мазкур ўйиндан ҳам матнли онлайн трансляцияни амалга оширди.
Жаҳон Чемпионати
«G» гуруҳи, 2-тур беллашуви
23 июнь, шанба
Бельгия—Тунис 5:2
Голлар: 1:0 – 6, пенальти Азар, 2:0 – 16 Лукаку, 2:1 – 18 Бронн, 3:1 – 45 Лукаку, 4:1 – 51 Азар, 5:1 – 90 Бацҳуайи, 5:2 – 90 Ҳазри.Бельгия: Куртуа, Боята, Вертонген, Менье, Алдервейрелд, де Брюйне, Карраско, Вицел, Азар (Батшуайи, 68), Мертенс (Тилеманс, 86), Лукаку (Феллаини, 59).
Тунис: Бен-Мустафа, Бен-Юссеф (Беналуан, 41), Маалул, Бронн (Наггез, 24), Меря, Кауи, Скири, Ҳазри, Сасси (Слити, 59), Бадри, Бен-Юссеф.
Огоҳлантириш: Сасси (14).
Изоҳ (0)