Сурия шарқидаги авиазарбалар оқибатида Башар Асад режими томонда жанг қилган 52 нафар жангчи ҳалок бўлди, уларнинг орасида тахминан 30 нафар ироқлик бўлган. Бу ҳақда «РИА Новости» хабар берди.
Таъкидланишича, зарба Ироқ билан чегара яқинидаги Абу-Камол шаҳри ва Ал-Хори қишлоғи яқинига берилган. Шунингдек, мазкур зарбанинг ҳукумат тарафдорларига берилган энг кучли зарба бўлгани қайд этилган.
Ҳозирча зарбани ким бергани номаълум. Аввалроқ Суриянинг давлат ОАВлари АҚШ бошчилигидаги коалицияни айблаган. Бироқ Пентагон буни рад этган.
Изоҳ (0)