Япония бош вазири Ким Чен Ин билан ишончли муносабатлар ўрнатишга уринмоқда

Япония бош вазири Синдзо Абэ КХДР етакчиси Ким Чен Ин билан ўзаро ишонч муносабатларини йўлга қўйишга уринаётганини маълум қилди, деб ёзади «ТАСС».

Абэнинг фикрича, КХДР етакчисида лидерлик хусусиятлари мавжуд.

«Ким Чен Инда лидерлик хусусиятлари мавжуд. У ушбу хусусиятларни АҚШ президенти билан учрашганида намоён этди. Биз Япония ва Шимолий Корея алоқаларининг янги босқичига чиқишимиз керак. Ўзаро ишончсизлик деворини ағдариш вақти келди», — дейди Япония бош вазири.

Абэ аввалроқ Ким Чен Ин билан учрашишга тайёрлигини маълум қилган эди.