Россиянинг «Николь-Пак» масъулияти чекланган жамияти Ўзбекистоннинг Angren Pack компаниясини тўлиқ сотиб олишга қарор қилди, деб ёзади Spot «Тошкент» Республика фонд биржаси маълумотларига таяниб.
Аввалроқ «Николь-Пак» Angren Pack компанияси акцияларининг 53 фоизини сотиб олган ва шу тариқа, Чехиянинг Paper Mill Holding компаниясига тегишли 215 600 акцияга эга бўлган эди.
Энди эса «Николь-Пак» корхонанинг қолган оддий акцияларини ҳам сотиб олиш қарорини эълон қилди. Агар 30 кун ичида акцияларни сотиш ҳақида ёзма розилик олса, Россия компанияси уларни сотиб олиш мажбуриятини олади.
Angren Pack Ўзбекистон қоғоз саноатининг етакчи корхоналаридан бири. Компаниянинг ишлаб чиқариш қуввати йилига 100 минг тонна қоғоз ва 120 миллион квадрат метр гофрокартондан иборат.
Корхона хорижий инвестицияли акциядорлик жамияти бўлиб, 2011 йилда назорат пакети Чехиянинг Paper Mill Holding компанияси томонидан сотиб олинганди.
Изоҳ (0)