Дунёнинг турли нуқталарида одамлар оммавий равишда тўпланадиган масканлар ва муассасалар мавжуд. AdMe ана шундай жойларга эътибор қаратди.

«Ўлик денгиз», Хитой

Хитойдаги энг катта сув ҳавзасининг майдони уч гектарга тенг. У тузилиши ва таркиби жиҳатдан ҳақиқий денгизга яқинлаштирилган. Унда бир вақтнинг ўзида ўн минг киши чўмилган.

Тож-Маҳал, Ҳиндистон

Замонавий етти мўъжизадан бирига ҳар йили 7—8 миллион киши ташриф буюради.

Буюк Хитой девори, Хитой

Дунёдаги энг оммабоп ёдгорликлардан бири бўлган Буюк Хитой деворига бир йилда 10 миллионгача сайёҳ ташриф буюради.

Пьяцца-дель-Кампо, Италия

Ҳар йили бўлиб ўтадиган ўзига хос тадбир вақтида майдон атрофида 60 минг киши йиғилади.

Токио метроси, Япония

Токио метросининг Синдзюко бекати ўзининг гавжумлиги билан Гиннеснинг рекордлар китобига кирган. Бекат бир кунда уч миллион йўловчини ўтказиш қувватига эга. Айнан шу бекатда йўловчиларни вагонга суриб киритувчи ва уларнинг юклари эшик орасига қисилиб қолмаслигини назорат қилувчи лавозими жорий қилинган.

Исо ҳайкали, Бразилия

Дунёнинг янги етти мўъжизасидан бири бўлган Рио-де-Жанейродаги ҳайкали кўриш учун сайёҳлик мавсумида кунига 3—4 минг киши ташриф буюради.

Чичен-Ица, Мексика

Мексикадаги қадимий пирамидага бир йилда 2,6 миллион сайёҳ ташриф буюради.

Санта-Круз-дель-Ислоте, Колумбия

Колумбиянинг мазкур ороли дунёдаги аҳоли энг зич яшайдиган орол ҳисобланади. Футбол майдонига тенг оролда 1,2 минг киши жойлашган.

Mall of America савдо маркази, АҚШ

АҚШдаги энг катта савдо марказига бир йилда 40 миллион киши ташриф буюради, уларнинг учдан бир қисмини хорижликлар ташкил қилади.

Монкок, Хитой

Гиннеснинг рекордлар китобига киритилган мазкур даҳа Хитойнинг аҳоли энг зич яшайдиган ҳудуди ҳисобланади. Унда бир квадрат километр майдонга 130 минг киши тўғри келади.