Dunyoning turli nuqtalarida odamlar ommaviy ravishda to‘planadigan maskanlar va muassasalar mavjud. AdMe ana shunday joylarga e’tibor qaratdi.
“O‘lik dengiz”, Xitoy
Xitoydagi eng katta suv havzasining maydoni uch gektarga teng. U tuzilishi va tarkibi jihatdan haqiqiy dengizga yaqinlashtirilgan. Unda bir vaqtning o‘zida o‘n ming kishi cho‘milgan.
Toj-Mahal, Hindiston
Zamonaviy yetti mo‘jizadan biriga har yili 7—8 million kishi tashrif buyuradi.
Buyuk Xitoy devori, Xitoy
Dunyodagi eng ommabop yodgorliklardan biri bo‘lgan Buyuk Xitoy devoriga bir yilda 10 milliongacha sayyoh tashrif buyuradi.
Pyatssa-del-Kampo, Italiya
Har yili bo‘lib o‘tadigan o‘ziga xos tadbir vaqtida maydon atrofida 60 ming kishi yig‘iladi.
Tokio metrosi, Yaponiya
Tokio metrosining Sindzyuko bekati o‘zining gavjumligi bilan Ginnesning rekordlar kitobiga kirgan. Bekat bir kunda uch million yo‘lovchini o‘tkazish quvvatiga ega. Aynan shu bekatda yo‘lovchilarni vagonga surib kirituvchi va ularning yuklari eshik orasiga qisilib qolmasligini nazorat qiluvchi lavozimi joriy qilingan.
Iso haykali, Braziliya
Dunyoning yangi yetti mo‘jizasidan biri bo‘lgan Rio-de-Janeyrodagi haykali ko‘rish uchun sayyohlik mavsumida kuniga 3—4 ming kishi tashrif buyuradi.
Chichen-Itsa, Meksika
Meksikadagi qadimiy piramidaga bir yilda 2,6 million sayyoh tashrif buyuradi.
Santa-Kruz-del-Islote, Kolumbiya
Kolumbiyaning mazkur oroli dunyodagi aholi eng zich yashaydigan orol hisoblanadi. Futbol maydoniga teng orolda 1,2 ming kishi joylashgan.
Mall of America savdo markazi, AQSh
AQShdagi eng katta savdo markaziga bir yilda 40 million kishi tashrif buyuradi, ularning uchdan bir qismini xorijliklar tashkil qiladi.
Monkok, Xitoy
Ginnesning rekordlar kitobiga kiritilgan mazkur daha Xitoyning aholi eng zich yashaydigan hududi hisoblanadi. Unda bir kvadrat kilometr maydonga 130 ming kishi to‘g‘ri keladi.
Izoh (0)