Эгей ва Юнон денгизини боғловчи канал дунёдаги энг тор кема ўтказувчи канал ҳисобланади. Унинг қурилиши милоддан аввалги VII асрда бошланиб, XIX асрнинг охириганига келиб тамомланган. Антик давр ҳукмдорлари бу канални қуришни орзу қилган, 1944 йилда эса чекинаётган фашистлар уни вайрон қилишига бир баҳя қолган, деб ҳикоя қилади TravelAsk.
Бу канални қуриш орқали Эгей денгизидаги Сарони бўғозидан Юнон денгизидаги Коринф кўрфазига ўтиш учун 400 километрни қисқартириш мумкин бўлган.
Узоқ асрлар давомида якунланмаган қурилиш XIX аср охорига келиб ўз ниҳоясига етган. Каналнинг расмий очилиши 1893 йилнинг август ойида 12 йиллик қурилиш ишларидан кейин бўлиб ўтган.
Коринф каналининг деворлари баландлиги 76 метрни ташкил қилса, дунёдаги энг тор бўлган каналнинг эни 21 метрга тенг ҳамда у орқали реверсив ҳаракат ташкил қилинган. Кемалар кенглиги бўйича ҳам чеклов мавжуд: йирик кемалар тор канал орқали ўта олмайди. Мавжуд камчиликка қарамасдан, Коринф канали орқали йилига 15 мингтагача кема ўтади.
Канал орқали бир нечта автомобиль ва темирйўл кўприклари ўтказилган. Экстремал спорт ишқибозлари эса каналда тез-тез мусобақа ва тадбирлар уюштиради.